اسرائیل مردہ باد کے نعرے سے مولانا اپنی ڈوبتی کشتی کو سہارا نہیں دے سکتے، فردوس عاشق اعوان
22 Jan 2021 11:57
لاہور میں میڈیا سے گفتگو کرتے ہوئے معاون خصوصی نے کہا کہ استعفوں سے شروع ہونیوالی احتجاجی سیاست اب اسرائیل مردہ باد تک پہنچ گئی ہے، پی ڈی ایم نہ پاس کر رہی ہے اور نہ برداشت۔
اسلام ٹائمز۔ وزیراعلیٰ پنجاب کی معاون خصوصی فردوس عاشق اعوان کا کہنا ہے کہ الیکشن کمیشن نے (ن) لیگ اور پیپلزپارٹی سے بھی رسدیں طلب کی ہیں، مولانا کو بھی اپنی رسیدیں دینی ہیں۔ لاہور میں منسٹر ہائر ایجوکیشن راجا یاسر ہمایوں کے ہمراہ میڈیا سے گفتگو کرتے ہوئے فردوس عاشق اعوان نے کہا کہ استعفوں سے شروع ہونے والی احتجاجی سیاست اب اسرائیل مردہ باد تک پہنچ گئی ہے، اسرائیل مردہ باد کے نعرے سے مولانا اپنی ڈوبتی کشتی کو سہارا نہیں دے سکتے، پی ڈی ایم نہ پاس کر رہی ہے اور نہ برداشت۔
خبر کا کوڈ: 911660