0
Friday 22 Jan 2021 23:16

ملتان، جماعت اسلامی لیبرونگ کے زیراہتمام اداروں کی نجکاری کے خلاف احتجاجی مظاہرہ، حکومت کیخلاف شدید نعرے بازی 

ملتان، جماعت اسلامی لیبرونگ کے زیراہتمام اداروں کی نجکاری کے خلاف احتجاجی مظاہرہ، حکومت کیخلاف شدید نعرے بازی 
اسلام ٹائمز۔ جماعت اسلامی لیبر ونگ ملتان کے زیراہتمام حکومت کی مزدور دشمن پالیسی اور قومی اسٹیل مل کی نجکاری کے خلاف احتجاجی مظاہرہ ہوا جس کی قیادت امیر جماعت اسلامی ملتان ڈاکٹر صفدر ہاشمی اور صدر لیبر ونگ عبدالرحمن قریشی نے کی۔ اس موقع پر این ایل ایف ملتان کے جنرل سیکرٹری مجاہد پاشا سمیت دیگر مزدور رہنماوں نے بھی شرکت کی۔ مظاہرین سے خطاب کرتے ہوئے امیر جماعت اسلامی ملتان ڈاکٹر صفدر ہاشمی نے کہا کہ موجودہ حکومت گزشتہ حکومتوں کا سلسلہ ہے جو پاکستان کے مزدوروں کو بھوک اور افلاس کی دلدل میں دھکیلنا چاہتا ہے، مزدور دو وقت کی روٹی سے پریشان ہے موجودہ حکومت کے تمام دعوے دھرے کے دھرے رہ چکے، تحریک انصاف تبدیلی کے نعرہ کے ساتھ آئی مگر ملک میں آج بھی اشرافیہ اور سرمایہ دار کی حکومت ہے ہمارے مسائل کا چہروں کی سیاست کی بجائے نظام سیاست کی تبدیلی میں ممکن ہے۔ اس موقع پر صدر لیبرونگ حافظ عبدالرحمن قریشی نے خطاب کرتے ہوئے کہا کہ حکومت کی مزدور دشمن پالیسی کو پاکستان بھر کے مزدور جوتے کی نوک پر رکھتے ہیں، اسٹیل مل سمیت کسی ادارے کو اشرافیہ، سرمایہ دار کے ہاتھ بیچنے کی اجازت نہیں دیں گے، حکومت ایک طرف مزدور دوستی کا دعوی کرتی ہے مگر دوسری جانب مزدور دشمنی عروج پر ہے، پاکستان کا مزدور اپنے خون پسینہ سے بننے والی مل کبھی اشرافیہ کے ہاتھ بیچنے کی اجازت نہیں دیں گے۔
خبر کا کوڈ : 911749
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش