QR Code

کسان تحریک کو ٹریکٹر پریڈ کو آخرکار منظوری مل گئی

23 Jan 2021 22:31

کسان رہنما یوگیندر یادو، ڈاکٹر درشن پال، گرنام سنگھ چڈھونی وغیرہ نے بتایا کہ کنڈلی بارڈر کے لئے روٹ مختلف ہوگا، ٹکری کے لئے الگ، غازی پور، شاہجہاں پور اور پلول کے دھرنے کے لئے الگ روٹ طے کیا گیا ہے۔

اسلام تائمز۔ ہریانہ، دہلی اور اترپردیش کی پولیس کے ساتھ متعدد دور کی بات چیت کے بعد بالآخر سنیچر کو آج شام 26 جنوری کے لئے کسانوں کو دہلی میں ٹریکٹر پریڈ کی منظوری دے دی گئی۔ یہ اطلاع آج شام منعقدہ کسان سنیکت مورچہ کے اجلاس میں دی گئیں۔ اس میٹنگ میں رضاکاروں سے لے کر کھانے پینے کے انتظامات پر تبادلہ خیال کیا جارہا ہے۔ کسانوں نے دعوی کیا ہے کہ آج تک کسی نے بھی عالمی سطح پر اس طرح کی پریڈ نہ تو کسی نے نکالی ہوگی اور نہ ہی دیکھی ہوگی۔ انہوں نے بتایا کہ دہلی ، ہریانہ اور اتر پردیش پولیس نے بھی ہر سطح پر مدد کی یقین دہانی کرائی ہے تاکہ کوئی پریشانی نہ ہو۔ وقت اور جگہ کے بارے میں کسان رہنماؤں کا کہنا تھا کہ پریڈ اس وقت تک جاری رہے گی جب تک کہ ہر ٹریکٹر پریڈ کے راستے سے اپنے دھرنے تک نہیں آتا ہے۔ یہ 24 گھنٹے سے 72 گھنٹے تک بھی ہوسکتا ہے، جہاں تک روٹ کا سوال ہے وہ اتوار کو بتایا جائے گا۔

یہ فیصلہ کیا گیا ہے کہ ہر سرحد کے لئے الگ راستہ بنانے کا منصوبہ بنایا گیا ہے چونکہ جتنی تعداد میں کسان پہنچ رہے ہیں، اس میں ایک ہی راستے پر پوری پریڈ نکالنا ممکن نہیں ہے۔ ایسی صورت میں جتھہ بندیوں نے فیصلہ کیا ہے کہ پانچ راستوں کے لئے مختلف منصوبے بنائے گئے ہیں۔ کسان رہنما یوگیندر یادو، ڈاکٹر درشن پال، گرنام سنگھ چڈھونی وغیرہ نے بتایا کہ کنڈلی بارڈر کے لئے روٹ مختلف ہوگا، ٹکری کے لئے الگ، غازی پور، شاہجہاں پور اور پلول کے دھرنے کے لئے الگ روٹ طے کیا گیا ہے۔ فی الحال روٹ پلان جلد ہی شیئر کیا جائے گا۔ اس سے قبل کسان لیڈروں اور تینوں ریاستوں ہریانہ، اتر پردیش اور دہلی پولیس کے اعلی عہدیداروں کے درمیان بات چیت کا پانچواں دور ہوا۔ اس کے بعد پریڈ کے راستے پر دونوں فریقوں نے اتفاق کیا ہے۔ کسان لیڈروں نے کہا کہ یہ کسان تحریک کے لئے ایک بڑی جیت ہے۔

خبر کا کوڈ: 911959