0
Sunday 24 Jan 2021 00:26

پاراچنار، حیدری بلڈ بنک اینڈ ویلفیئر سوسائٹی کی تقریب حلف برداری

پاراچنار، حیدری بلڈ بنک اینڈ ویلفیئر سوسائٹی کی تقریب حلف برداری
اسلام ٹائمز۔ ڈپٹی کمشنر ضلع کرم ڈاکٹر آفاق وزیر نے کہا ہے کہ قبائلی اضلاع میں حیدری بلڈ بنک جیسے سماجی ادارے دُکھی انسانیت کی بے لوث خدمت کر رہے ہیں جو قابل ستائیش ہے۔ پاراچنار میں حیدری بلڈ بنک اینڈ ویلفیئر سوسائٹی پاراچنار کی حلف برداری تقریب میں ڈپٹی کمشنر ضلع کرم نے نئے منتخب کابینہ سے حلف لیا۔ اس موقع پر بلڈ بنک کے ہسپتال کے انچارج پروفیسر لیاقت علی نے سالانہ کارکردگی بیان کی۔ حلف برداری کے بعد ڈپٹی کمشنر نے اپنے خیالات کا اظہار کرتے ہوئے کہا کہ حیدری بلڈ بنک اینڈ ویلفیئر سوسائٹی کی کارکردگی قابل ستائش ہے اور ڈسٹرکٹ ایڈمنسٹریشن اس قسم کی ایکٹیوٹیز میں ہر قسم کا تعاون کریگی۔ تقریب کے اختتام پر نو منتحب چئیرمین حاجی امجد حسین نے ادارے کے اغراض و مقاصد بیان کئے اور مہمانوں کا شکریہ ادا کیا جبکہ سید نجات حسین نے سپاسنامہ پیش کیا۔ تقریب میں حیدری بلڈ بنک اینڈ ویلفیئر سوسائٹی کے اراکین کے علاوہ سرکاری اور غیر سرکاری افراد اور زندگی کے مختلف شعبوں سے تعلق رکھنے والے افراد نے شرکت کی۔
خبر کا کوڈ : 911989
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش