اسلام ٹائمز۔ وفاقی وزیر سائنس اینڈ ٹیکنالوجی فواد چوہدری کا کہنا ہے کہ اپوزیشن جماعتوں کے پاس کوئی حکمت عملی نہیں۔ سماجی رابطے کی ویب سائٹ ٹوئٹر پر وفاقی وزیر سائنس اینڈ ٹیکنالوجی فواد چوہدری نے اپنے پیغام میں کہا ہے کہ اپوزیشن کے پاس نہ کوئی حکمت عملی ہے اور نہ ہی کوئی پلان ہے۔ فواد جوہدری نے کہا کہ اپوزیشن جماعتیں استعفوں سے شروع ہوئے اور جلسوں پر رکے لیکن اب وہاں بھی بس ہوگئی تو عدم اعتماد کی گفتگو شروع کردی۔ وزیر سائنس اینڈ ٹیکنالوجی فواد چوہدری کا مزید کہنا تھا کہ کس مائی کے لال کی جرآت ہے جو وزیراعظم عمران خان کیخلاف تحریک عدم اعتماد لانے کی، آپ تاعمر قید اور نااہلی سے بچ گئے تو غنیمت سمجھئے گا۔