اسلام ٹائمز۔ پاک سرزمین پارٹی کے چیئرمین مصطفیٰ کمال نے کہا ہے کہ دنیا چاند پر جارہی ہے اور ہم کراچی کا کچرا نہیں اٹھا سکے۔ کراچی میں پارٹی کے دفتر کے افتتاح کے موقع پر خطاب کرتے ہوئے مصطفیٰ کمال کا کہنا تھا کہ 70 فیصد کماکر دینے والا شہر کراچی پانی اور سیوریج کے مسائل سے دوچار ہے۔ مصطفیٰ کمال کا کہنا تھا کہ ہر الیکشن کے بعد امید ہوتی ہے کہ معاملات اچھے ہوجائیں گے، پیپلز پارٹی نے کراچی میں تعصب بڑھا دیا ہے، پیپلز پارٹی نے لاڑکانہ، خیرپور اور تھر کی حالت بھی اچھی نہیں کی۔