اسلام ٹائمز۔ پاکستان مسلم لیگ نون پنجاب کے صدر رانا ثنا اللہ نے کہا ہے کہ جمہوریت میں جلسہ، ریلی اورلانگ مارچ غیرآئینی نہیں، لانگ مارچ میں کوئی حملہ نہیں ہوگا نہ بجلی کے بل جلائیں گے۔ نجی ٹی وی کے ٹاک شو میں گفتگو کرتے ہوئے ان کا کہنا تھا کہ اس وقت نمبر گیم پی ڈی ایم کے پاس نہیں، بلاول بھٹو عدم اعتماد کی بات کر رہے ہیں، تحریک عدم اعتماد سمیت تمام آپشن پی ڈی ایم کے پاس ہیں۔ اپوزیشن رہنما کا کہنا تھا کہ لانگ مارچ کا مطلب حملہ آور ہونا نہیں، عظمت سعید شیخ کو براڈشیٹ معاملے میں نہیں آنا چاہیے، عظمت سعید شیخ کی ایمانداری پر شک و شبہ نہیں۔