QR Code

کابینہ اجلاس کے متعلق ذرائع ابلاغ کے نمائندوں کو بریفنگ دینے پر شہباز گل ار شبلی فراز میں تکرار

27 Jan 2021 16:58

وفاقی وزیر نے شہبازگل سے کہا کہ آپ میڈیا کے نمائندوں کو کسی بھی صورت بریفنگ نہیں دیں گے، پارلیمانی پارٹی کے اجلاس میں ہونے والے فیصلوں اور بات چیت کے متعلق بریفنگ میں دوں گا۔

اسلام ٹائمز۔ وفاقی وزیر اطلاعات شبلی فراز اور معاون خصوصی شہباز گل کے درمیان اس بات پر تکرار ہوگئی ہے کہ اجلاس  کے متعلق ذرائع ابلاٖغ کے نمائندوں کو بریفنگ کون دے گا۔ نجی ٹی وی کے مطابق پی ٹی آئی کی پارلیمانی پارٹی کے اجلاس کے بعد شہبازگل نے کمیٹی روم سے نکلنے کے بعد میڈیا کے نمائندوں سے بات چیت شروع کر دی۔ وفاقی وزیر نے شہبازگل سے کہا کہ آپ میڈیا کے نمائندوں کو کسی بھی صورت بریفنگ نہیں دیں گے، پارلیمانی پارٹی کے  اجلاس میں ہونے والے فیصلوں اور بات چیت کے متعلق بریفنگ میں دوں گا۔

شہباز گل نے شبلی فراز کو جواب دیا غصہ مت کریں جیسا آپ کہیں گے ویسا ہی ہوگا۔ وزیراطلاعات وہاں سے روانہ ہوگئے۔ بعد ازاں میڈیا بریفنگ میں صرف شبلی فراز ہی کیمرے پر نظر آئے۔ انہوں نے بتایا کہ تحریک عدم اعتماد اپوزیشن کا حق ہے ہمیں کوئی اعتراض نہیں۔ اپوزیشن میں آپس میں اتفاق نہیں کیونکہ ان کے اپنے اپنے مفادات ہیں۔ پی ڈی ایم اہداف دیتی رہی اور ہر بار اسے ناکامی ہوئی۔
 

خبر کا کوڈ: 912710