اسلام ٹائمز - حکمران جماعت سے کس کس کو سینیٹ کا ٹکٹ ملے گا

ذرائع نے بتایا ہے کہ شہزاد اکبر، زلفی بخاری، ثانیہ نشتر، عبدالرزاق داؤد، بابر اعوان ایڈووکیٹ، سیف اللّٰہ نیازی، ڈاکٹر زرقا، نیلوفر بختیار بھی سفارشات میں شامل ہیں۔

اسلام ٹائمز۔ حکمران جماعت پاکستان تحریکِ انصاف کی جانب سے کس کس کو سینیٹ کا ٹکٹ ملے گا؟ ذرائع کا کہنا ہے کہ اس حوالے سے پی ٹی آئی پارلیمانی بورڈ کی کارروائی حتمی مرحلے میں داخل ہوگئی ہے۔ ذرائع کے مطابق پارلیمانی بورڈ کے ممبران نے اپنی سفارشات وزیرِاعظم عمران خان کو پیش کر دی ہیں۔ ذرائع نے بتایا ہے کہ شہزاد اکبر، زلفی بخاری، ثانیہ نشتر، عبدالرزاق داؤد، بابر اعوان ایڈووکیٹ، سیف اللّٰہ نیازی، ڈاکٹر زرقا، نیلوفر بختیار بھی سفارشات میں شامل ہیں۔ ذرائع نے بتایا ہے کہ خیبر پختون خوا سے شبلی فراز کو دوبارہ سینیٹر بنانے کی سفارش کی گئی ہے۔ ذرائع کا مزید کہنا ہے کہ عبدالحفیظ شیخ اور اتحادی جماعت سے کامل علی آغا بھی سفارشات میں شامل ہیں۔ ذرائع نے یہ بھی بتایا ہے کہ امیدواروں کے ناموں کی حتمی منظوری وزیرِاعظم عمران خان آئندہ کچھ روز میں دیں گے۔