اسلام ٹائمز - سکردو میں کرونا ویکسین لگانے کا عمل شروع

ریجنل ہیڈ کوارٹر ہسپتال میں افتتاحی تقریب ہوئی جس میں ہسپتال کے ڈاکٹر آصف رضا کو پہلی ویکسین لگائی گئی۔ سکردو میں کرونا ویکسین کے تین سنٹرز قائم کیے گئے ہیں۔

اسلام ٹائمز۔ بلتستان میں کرونا ویکسینیشن کا باقاعدہ آغاز ہو گیا۔ ریجنل ہیڈ کوارٹر ہسپتال میں افتتاحی تقریب ہوئی جس میں ہسپتال کے ڈاکٹر آصف رضا کو پہلی ویکسین لگائی گئی۔ اس کے بعد ڈاکٹر ناصر حسین اور ڈاکٹر مہدی اور ڈاکٹر کامران کو ویکسین لگائی گئی۔ سکردو میں کرونا ویکسین کے تین سنٹرز قائم کیے گئے ہیں جہاں شہریوں اور ہیلتھ ٹیموں کو کرونا ویکسین لگائی جائے گی۔ سکردو ہسپتال میں منعقدہ افتتاحی تقریب میں کمشنر بلتستان شجاع عالم، ڈی سی سکردو سمیت محکمہ صحت کے افسران موجود تھے۔