اسلام ٹائمز - پشاور میں ڈاکٹر کے قتل پر طاہر اشرفی کی مذمت

وزیراعظم کے معاون خصوصی کا اپنے بیان میں کہنا ہے کہ غیر مسلم پاکستانیوں کا تحفظ ریاست کی ذمہ داری ہے، کسی کو غیر مسلم پاکستانیوں کی جان و مال، عزت و آبرو سے کھیلنے کی اجازت نہیں دی جا سکتی۔

اسلام ٹائمز۔ وزیراعظم کے معاون خصوصی حافظ طاہر محمود اشرفی نے پشاور میں ڈاکٹر کے قتل کی شدید مذمت کی ہے۔ حافظ طاہر محمود اشرفی نے کہا ہے کہ مجرموں کو گرفتار کر لیا گیا ہے، قانون اور انصاف کے تقاضوں کو پورا کیا جائے گا۔ انہوں نے مزید کہا کہ غیر مسلم پاکستانیوں کا تحفظ ریاست کی ذمہ داری ہے، کسی کو غیر مسلم پاکستانیوں کی جان و مال، عزت و آبرو سے کھیلنے کی اجازت نہیں دی جا سکتی۔