عراق راکٹ حملے میں غیر ملکی ہلاک، متعدد امریکی کنٹریکٹرز زخمی

اسلام ٹائمز۔ امریکی قیادت میں اتحاد کا کہنا ہے کہ عراق کے کردستان کے علاقے میں متعدد راکٹس نے ایئربیس کو نشانہ بنایا جس میں ایک غیر ملکی شہری کنٹریکٹر ہلاک اور ایک امریکی سمیت 5 امریکی زخمی ہو گئے۔غیر ملکی خبر رساں ادارے اے ایف پی کی رپورٹ کے مطابق پیر کی رات ہونے والا یہ حملہ قریب دو ماہ کے دوران پہلا موقع تھا جب اسی طرح کے واقعات کے بعد عراق میں مغربی فوجی یا سفارتی تنصیبات کو نشانہ بنایا گیا ہے۔ امریکی وزیر خارجہ انٹونی بلنکن نے تحقیقات کا مطالبہ کیا اور عزم کا اظہار کیا کہ ذمہ داروں کا احتساب کیا جائے گا۔ انہوں نے مزید تفصیلات بتائے بغیر مزید بتایا کہ متعدد امریکی ٹھیکیدار زخمی ہوئے ہیں۔ سابق امریکی صدر ڈونلڈ ٹرمپ نے خدشہ ظاہر کیا ہے کہ اس طرح کے راکٹ حملوں میں ایک امریکی شہری کے قتل سے عراق میں بڑے پیمانے پر بمباری مہم کا آغاز ہو سکتا ہے۔ عراقی اور مغربی سکیورٹی ذرائع نے خبر رساں ادارے اے ایف پی کو بتایا کہ شہر کے ایئرپورٹس کی سمت میں کم از کم تین راکٹ فائر کیے گئے جہاں غیرملکی افواج کا ایک بین الاقوامی اتحاد عسکریت پسند گروپ داعش سے لڑ رہا ہے۔ اتحادی فوج کے ترجمان کرنل وین ماروٹو نے اے ایف پی کو تصدیق کرتے ہوئے کہا کہ ہلاک ہونے والا کنٹریکٹر عراقی نہیں تھا تاہم متاثرہ شہری کی قومیت کے بارے میں فوری طور پر تفصیلات نہیں بتا سکتا۔