وزیر آباد اور نوشہرہ کا رزلٹ قبول کیا ڈسکہ کا بھی تسلیم کریں گے، اعجاز چوہدری

اسلام ٹائمز۔ پاکستان تحریک انصاف (پی ٹی آئی) پنجاب کے صدر اعجاز چوہدری کا کہنا ہے کہ الیکشن والے دن ن لیگ والوں نے لاٹھیاں، ڈنڈے برسائے اور فائرنگ کی۔اعجاز چوہدری نے میڈیا سے گفتگو کے دوران کہا ہے کہ مسلم لیگ ن کی قتل و غارت پر حالات خراب ہیں، 19 جنوری تا 19 فروری روزانہ انتخابی مہم کاحصہ رہا ہوں، تحریک انصاف کے رہنماؤں کو نوٹس دیئے جاتے رہے، اپوزیشن نے ہمارے بینر اور پوسٹر پھاڑے۔