اسلام ٹائمز - کراچی سے جعلی میجر ساتھیوں سمیت گرفتار

پولیس کے مطابق گرفتار ملزم فخر عباس لیاقت آباد کا رہائشی اور اس کا آبائی تعلق اٹک سے ہے، ملزم کا ساتھی وقاص بھی غیر قانونی کاموں میں ملوث رہا ہے۔

اسلام ٹائمز۔ پولیس نے اغوا برائے تاوان اور جعل سازی کی وارداتوں میں ملوث جعلی میجر کو ساتھیوں سمیت گرفتار کر لیا۔ پولیس کے مطابق نارتھ ناظم آباد بلاک ایچ میں خفیہ اطلاع پر کارروائی کی گئی جس میں جعلی میجر ملزم فخر عباس کو گرفتار کیا گیا۔ پولیس کا کہنا ہے کہ ملزمان سے اسلحہ، جعلی دستاویزات، پولیس اور قانون نافذ کرنے والے اداروں کی وردیاں اور جعلی کارڈ بھی برآمد کیے گئے ہیں۔ پولیس کے مطابق گرفتار ملزم فخر عباس لیاقت آباد کا رہائشی اور اس کا آبائی تعلق اٹک سے ہے، ملزم کا ساتھی وقاص بھی غیر قانونی کاموں میں ملوث رہا ہے۔ پولیس نے بتایا کہ ملزم جعلسازی کے ذریعے شہریوں سے رقم وصول کرتا تھا جب کہ ملزمان کا کریمنل ریکارڈ چیک کیا جارہا ہے