QR CodeQR Code

عمران خان کا دورہ، سری لنکا میں کورونا سے جاں بحق مسلمانوں کی تدفین کی اجازت

26 Feb 2021 16:48

اپنے ٹوئٹر پیغام میں وزیراعظم عمران خان نے سری لنکن ہم منصب مہندا راجا پکشے کا شکریہ ادا کرتے ہوئے کہا کہ میں سری لنکن حکومت کی جانب سے کورونا سے انتقال کر جانے والوں کی تدفین کی اجازت کے سرکاری فرمان (آفیشیل نوٹیفکیشن) کے اجراء کا خیرمقدم کرتا ہوں۔


اسلام ٹائمز۔ وزیراعظم عمران خان کے دورے کے بعد سری لنکا کی حکومت نے کورونا سے جاں بحق مسلمانوں کی میتوں کی تدفین کی اجازت دے دی۔ عمران خان نے سری لنکن قیادت سے اس بارے میں بات کی تھی جس کے بعد سری لنکا کی حکومت نے کورونا وائرس سے جاں بحق مسلمانوں کی لاشوں کو جلانے کے حکم کو ختم کرکے انہیں اسلامی طریقہ کار کے مطابق تدفین کی اجازت دے دی۔ وزیراعظم عمران خان نے ٹوئٹر پر سری لنکن وزیراعظم مہندا راجا پکشے کا شکریہ ادا کرتے ہوئے کہا کہ میں سری لنکن حکومت کی جانب سے کورونا سے انتقال کر جانے والوں کی تدفین کی اجازت کے سرکاری فرمان (آفیشیل نوٹیفکیشن) کے اجراء کا خیرمقدم کرتا ہوں اور اس پر سری لنکن قیادت کا شکر گزار ہوں۔

ادھر سری لنکن مسلمانوں نے بھی وزیراعظم عمران خان کا شکریہ ادا کیا ہے۔ پہلے سری لنکا میں کورونا وائرس سے ہلاک مریضوں کی لاشوں کو جلانے کا قانون نافذ تھا جس کے خلاف مقامی مسلمانوں نے کافی احتجاج کیا تھا۔ اس متنازع قانون پر انسانی حقوق کی تنظیموں نے بھی شدید تنقید کی تھی تاہم سری لنکن حکام کی خام خیالی تھی کہ مریضوں کی لاشوں سے بھی کورونا پھیل سکتا ہے۔


خبر کا کوڈ: 918488

خبر کا ایڈریس :
https://www.islamtimes.org/ur/news/918488/عمران-خان-کا-دورہ-سری-لنکا-میں-کورونا-سے-جاں-بحق-مسلمانوں-کی-تدفین-اجازت

اسلام ٹائمز
  https://www.islamtimes.org