QR Code

پی ایس پی نے لسانی سیاست کا خاتمہ کردیا ہے، انیس قائم خانی

28 Feb 2021 16:55

جلسے کے مقام پر پی ایس پی صدر نے میڈیا سے گفتگو کرتے ہوئے کہا کہ آج کے جلسے سے ثابت ہوگا کہ مہاجر، پختون، سندھی، بلوچی اور پنجابی سب پی ایس پی کے ساتھ ہیں، جلسے میں آج بڑی تعداد میں کراچی کے پختون شرکت کریں گے۔

اسلام ٹائمز۔ پاک سر زمین پارٹی کے صدر انیس قائم خانی کہتے ہیں کہ پی ایس پی نے لسانی سیاست کا خاتمہ کردیا ہے۔ کراچی میں الآصف اسکوائر گراؤنڈ میں پاک سرزمین پارٹی آج جلسہ کرنے جا رہی ہے، اس موقع پر جلسے کے مقام پر پی ایس پی کے صدر انیس قائم خانی نے میڈیا سے گفتگو کرتے ہوئے یہ بات کہی۔ انہوں نے کہا کہ آج کے جلسے سے ثابت ہوگا کہ مہاجر، پختون، سندھی، بلوچی اور پنجابی سب پی ایس پی کے ساتھ ہیں۔ پی ایس پی صدر نے یہ بھی کہا ہے کہ جلسے میں آج بڑی تعداد میں کراچی کے پختون شرکت کریں گے۔

خبر کا کوڈ: 918862