QR CodeQR Code

موجودہ صورت حال کے مطابق ہمیں 180 سے زیادہ ووٹ ملیں گے، فواد چوہدری

3 Mar 2021 10:22

نجی ٹی وی کے مطابق وفاقی وزیر نے کہا کہ متحدہ اپوزیشن کے امیدوار کو 155 کے قریب ووٹ ملیں گے سو ہم آرام سے جیت جائیں گے۔


اسلام ٹائمز۔ وفاقی وزیر برائے پانی و بجلی فیصل واوَڈا نے دعویٰ کیا ہے کہ سینیٹ انتخابات میں فیصل واوڈا کی جیت یقینی ہے۔ فیصل واوڈا نے یہ بھی کہا کہ پاکستان ڈیموکریٹک موومنٹ (پی ڈی ایم) کے متفقہ امیدوار یوسف رضا گیلانی کی ہار پر انہیں ایڈجسٹ کیا جائے گا۔

 
وفاقی وزیر برائے سائنس و ٹیکنالوجی فواد چودھری کا کہنا ہے کہ موجودہ صورت حال کے مطابق ہمیں 180 سے زیادہ ووٹ ملیں گے۔ انہوں نے کہا کہ متحدہ اپوزیشن کے امیدوار کو 155 کے قریب ووٹ ملیں گے سو ہم آرام سے جیت جائیں گے۔ فواد چودھری کا کہنا تھا کہ الیکشن کمیشن کو یوسف رضا گیلانی کے بیٹے کی ویڈیو پر سخت ایکشن لینا چاہیے۔
 
خیال رہے کہ ایوان بالا یعنی سینیٹ کی 37 خالی نشستوں پر انتخابات ہو رہے ہیں۔ تین صوبائی اور قومی اسمبلی کے اراکان آج اپنا حق رائے دیہی استعمال کریں گے۔ قومی اسمبلی، سندھ، بلوچستان اور خیبرپختونخوا کی اسمبلیوں میں پولنگ جاری ہے اور بغیر کسی وقفے کے شام پانچ بجے تک جاری رہے گی۔ قومی اسمبلی میں پہلا ووٹ شفیق آرائیں اور دوسرا فیصل واڈا نے کاسٹ کیا۔
 
وفاقی دارالحکومت سے 2 سندھ سے گیارہ جبکہ بلوچستان اور خیبرپختونخوا سے بارہ، بارہ سینیٹرز منتخب کیے جائیں گے۔ پنجاب سے تمام گیارہ امیدوار پہلے ہی بلامقابلہ منتخب ہوچکے ہیں۔ خواتین کی18، ٹیکنوکریٹ 13 اور 8 اقلیتی نشستوں پرامیدوار مدمقابل ہیں۔


خبر کا کوڈ: 919354

خبر کا ایڈریس :
https://www.islamtimes.org/ur/news/919354/موجودہ-صورت-حال-کے-مطابق-ہمیں-180-سے-زیادہ-ووٹ-ملیں-گے-فواد-چوہدری

اسلام ٹائمز
  https://www.islamtimes.org