حفیظ شیخ جیت گئے تو آج کے بعد پی ٹی آئی ممبران کو پوچھنے والا کوئی نہیں ہوگا، محسن داوڑ
3 Mar 2021 11:38
پارلیمنٹ ہاؤس کے باہر میڈیا سے گفتگو کرتے ہوئے محسن داوڑ نے کہا میں کل صبح سے اپنے ووٹ کا اظہار کر رہا ہوں۔
اسلام ٹائمز۔ رکن قومی اسمبلی محس داوڑ نے کہا ہے کہ اگر یوسف رضا گیلانی جیتے تو پی ٹی آئی ممبران کو پروٹوکول ملتا رہے گا۔ سینیٹ الیکشن میں اپنا ووٹ کاسٹ کرنے کیلئے محسن داوڑ قومی اسمبلی پہنچے تو صحافی نے سوال کیا کہ آپ ووٹ کس کو دیں گے۔؟ محسن داوڑ نے پارلیمنٹ ہاؤس کے باہر میڈیا سے گفتگو کرتے ہوئے کہا میں کل صبح سے اپنے ووٹ کا اظہار کر رہا ہوں۔ انہوں نے کہا میں پی ٹی آئی کے ساتھیوں کو کہوں گا کہ اگر وہ چاہتے ہیں کہ پروٹوکول ملتا رہے تو یوسف رضا گیلانی کو ووٹ دیں۔ رکن قومی اسمبلی نے کہا کہ اگر حفیظ شیخ جیت گئے تو آج کے بعد پی ٹی آئی ممبران کو پوچھنے والا کوئی نہیں ہوگا۔
خبر کا کوڈ: 919379