وزیراعظم نے ان ارکان سے ملاقاتیں کی جو الیکٹورل کالج کا حصہ ہیں، پی پی کا الیکشن کمیشن کو خط

 

خط کے متن میں درج ہے کہ وزیراعظم نے ان ارکان سے ملاقاتیں کی جو الیکٹورل کالج کا حصہ ہیں۔ نیر بخاری نے لکھا کہ پی ٹی آئی کی خواتین اسمبلی میڈیا پر کہہ رہی ہیں کہ وزیراعظم نے 50 کروڑ فنڈ دیا ہے، الیکشن کمیشن عمران خان کے خلاف کارروائی کرے۔

 

خیال رہے کہ وزیراعظم عمران خان نے گزشتہ روز اراکین قومی اسمبلی سے ملاقاتیں کی تھیں اور انہیں مسائل کے حل کی یقین دہانی بھی کرائی۔ ایم کیو ایم کے وفد نے بھی عمران خان سے ملاقات کی تھی۔ وزیراعلیٰ پنجاب عثمان بزدار اور حفیظ شیخ کی ملاقات بھی ہوئی۔ کراچی سے رکن قومی اسمبلی ڈاکٹرعامرلیاقت حسین، محمد ابراہیم خان اور شاہ زین بگٹی سمیت وزیراعظم نے متعدد رہنماؤں سے ملاقاتیں کی تھیں۔