خسارے کا شکار مزید 24 اداروں سے جان چھڑانے کی تیاری
5 Mar 2021 09:34
وزارت خزانہ کی دستاویز کے مطابق خسارے کا شکار 12 اداروں کے مجموعی سالانہ نقصانات156 ارب روپے تک پہنچ چکے ہیں-چوبیس اداروں میں آٹھ بجلی تقسیم کار کمپنیاں بھی خسارے کا شکار ہیں۔
اسلام ٹائمز۔ حکومت نے 156 ارب روپے سالانہ خسارے کا شکار مزید 24 اداروں سے جان چھڑانے کی تیاری کرلی۔ ،دوسرے مرحلے کے تحت24 اداروں کی نجکاری کیلئے فہرست مرتب کرلی گئی۔ تمام دس سرکاری بجلی تقسیم کار کمپنیوں کو بھی نجکاری فہرست میں شامل کیا گیا ہے،وزارت خزانہ کی دستاویز کے مطابق آئی ایم ایف،عالمی بینک اور ایشیائی ترقیاتی بینک کی مشاورت سے سرکاری ملکیتی اداروں کیلئے اصلاحاتی پروگرام تیار کیا گیا ہے جس کی وفاقی کابینہ سے منظوری لے لی گئی ہے۔
خبر کا کوڈ: 919744