QR Code

اعتماد آپ نے کھویا، غصہ الیکشن کمیشن پر کیوں؟

5 Mar 2021 13:02

مریم اورنگزیب نے ایک بیان میں کہنا ہے کہ عمران صاحب صرف عوام کا اعتماد اور اقتدار اپنا ہوتا ہے، کرائے اور ادھار کی چیزیں واپس کرنی ہوتی ہیں۔

اسلام ٹائمز۔ مسلم لیگ (ن) کی ترجمان مریم اورنگزیب نے وزیراعظم پر شدید تنقید کرتے ہوئے کہا ہے کہ عمران صاحب عزت کا ایک ہی راستہ ہے کہ ملک میں نئے الیکشن کرائیں اور مزید رسوائی اپنے مقدر میں نہ لکھوائیں۔ مریم اورنگزیب نے ایک بیان میں کہا کہ جمہوریت کو جتنا نقصان آپ جیسے ووٹ چوروں نے پہنچایا ہے، اس کی تاریخ میں مثال نہیں ملتی، عمران صاحب صرف عوام کا اعتماد اور اقتدار اپنا ہوتا ہے، کرائے اور ادھار کی چیزیں واپس کرنی ہوتی ہیں۔ انہوں نے کہا کہ عمران صاحب اُدھار کا اقتدار اور کرائے کا اعتماد اپنا نہیں ہوتا، اعتماد آپ نے کھویا مگر غصہ الیکشن کمیشن پر کیوں؟

اپنی بار جمہوریت پر لیکچر اور دوسروں کے ووٹ چوری، اپنی بار ڈسکہ میں الیکشن کمیشن کا عملہ چوری۔ لیگی ترجمان کا کہنا تھا کہ پارلیمنٹ کے ارکان کو جبر، دھونس، دھاندلی اور دباؤ سے غلام بنانے کی کوشش نہ کریں، آٹا، چینی، بجلی، گیس، دوائی اور ووٹ چور عوام کا اعتماد کھوچکے ہیں، اس لیے عوام میں جانے سے ڈر رہے ہیں۔ مریم اورنگزیب نے مزید کہا کہ عمران صاحب عزت کا ایک ہی راستہ ہے کہ ملک میں نئے الیکشن کرائیں اور مزید رسوائی اپنے مقدر میں نہ لکھوائیں۔

خبر کا کوڈ: 919774