QR Code

وزیرستان میں فورسز کا آپریشن، بیت اللہ محسود کے ساتھیوں سمیت 4 دہشتگرد ہلاک

7 Mar 2021 23:46

آئی ایس پی آر کا کہنا ہے کہ مارے جانے والے دہشت گردوں میں عبدالآدم، محبوب، میر سلام شامل ہیں، عبدالآدم سیکیورٹی فورسز پر حملوں سمیت دہشت گردی میں مطلوب تھا، دہشت گرد محبوب، میر سلام، بیت اللہ محسود کے قریبی ساتھی بتائے جاتے ہیں۔

اسلام ٹائمز۔ شمالی اور جنوبی وزیرستان میں خفیہ اطلاعات پر آپریشن کے دوران 4 دہشت گرد مارے گئے۔ پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی اور جنوبی وزیرستان میں خفیہ اطلاعات پر آپریشن کیا، خفیہ اطلاعات پر آپریشنز دتہ خیل، زوئیدہ میں کیے گئے۔ ترجمان پاک فوج کے مطابق آپریشن کے دوران فائرنگ کے تبادلے میں 4 سرکردہ دہشت گرد مارے گئے۔ آئی ایس پی آر کا کہنا ہے کہ مارے جانے والے دہشت گردوں میں عبدالآدم، محبوب، میر سلام شامل ہیں، عبدالآدم سیکیورٹی فورسز پر حملوں سمیت دہشت گردی میں مطلوب تھا۔

ترجمان پاک فوج کے مطابق دہشت گرد محبوب، میر سلام، بیت اللہ محسود کے قریبی ساتھی بتائے جاتے ہیں۔ واضح رہے کہ گزشتہ روز شمالی وزیرستان کے علاقوں میں خفیہ اطلاعات پر دو آپریشنز کیے گئے تھے، آپریشنز کے دوران 3 دہشت گرد لیڈرز سمیت 8 مارے گئے تھے۔

خبر کا کوڈ: 920224