QR Code

جارح سعودی عرب کی ابہاء ایئربیس پر یمن کا جوابی میزائل حملہ

9 Mar 2021 15:00

ٹوئٹر پر جاری ہونیوالے پیغام میں یمنی مسلح افواج کے ترجمان نے اعلان کیا ہے کہ خدا کے فضل و کرم سے یمنی فورسز نے جارح سعودی عرب کی ابہاء ایئربیس پر واقع ایک اہم فوجی ہدف کو ایسے بیلسٹک میزائل کے ذریعے انتہائی درستگی کیساتھ نشانہ بنایا ہے جسے تاحال متعارف نہیں کروایا گیا۔

اسلام ٹائمز۔ یمنی مسلح افواج کے ترجمان جنرل یحیی سریع نے گذشتہ شب اعلان کیا ہے کہ یمنی فوج و عوامی مزاحمتی فورسز نے اپنی جوابی کارروائی میں جارح ملک سعودی عرب کے جنوب میں ایک اہم فوجی ہدف کو انتہائی کامیابی کے ساتھ نشانہ بنایا ہے۔ ٹوئٹر پر جاری ہونے والے پیغام میں یمنی مسلح افواج کے ترجمان نے لکھا ہے کہ خدا کے فضل و کرم سے یمنی میزائل فورسز نے جارح سعودی عرب کی ابہاء انٹرنیشنل ایئرپورٹ پر واقع ایک اہم فوجی ہدف کو اپنے بیلسٹک میزائل کے ذریعے نشانہ بنایا ہے۔ جنرل یحیی سریع نے تاکید کی اس جوابی کارروائی میں استعمال کیا جانے والا یمنی میزائل انتہائی درستگی کے ساتھ اپنے نشانے پر بیٹھا ہے جبکہ اس میزائل کو تاحال متعارف نہیں کروایا گیا۔

خبر کا کوڈ: 920512