QR Code

اسکول کے پرچے میں عمران خان کی بجائے نواز شریف کو وزیراعظم کہنے والی سے مریم نواز کا مکالمہ

11 Mar 2021 10:18

سوشل میڈیا پر شیئر کی گئی ویڈیو میں دیکھا جاسکتا ہے کہ ایک کم عمر بچی مریم نواز سے محو گفتگو ہے اور اپنے پیپر کے حوالے سے بتا رہی ہے۔ کم عمر بچی مریم نواز کو بتاتی ہے کہ میرے پیپر میں سوال آیا کہ آپ کے ملک کا وزیراعظم کون ہے؟

اسلام ٹائمز۔ پاکستان مسلم لیگ نون کی نائب صدر مریم نواز کا ایک کمسن بچی سے مکالمہ زیرگردش ہے جس میں دونوں خوشگوار موڈ میں بات چیت کررہے ہیں۔ مریم نواز کی جانب سے شیئر کی گئی ویڈیو میں دیکھا جاسکتا ہے کہ ایک کم عمر بچی مریم نواز سے محو گفتگو ہے اور اپنے پیپر کے حوالے سے بتا رہی ہے۔ کم عمر بچی مریم نواز کو بتاتی ہے کہ میرے پیپر میں سوال آیا کہ آپ کے ملک کا وزیراعظم کون ہے؟ جسکے جواب میں، میں نے لکھا میاں نواز شریف۔ بچی اپنی بات جاری رکھتے ہوئے کہتی ہے کہ میری ٹیچر نے میرا 1نمبر کاٹ لیا تو میں نے بولا کہ آپ بےشک میرا ایک نمبر کاٹ لیں لیکن میرے ملک کا وزیراعظم عمران خان نہیں ابھی بھی نوازشریف ہے۔ بچی کی بات پر مریم نواز بچی کو شفقت سے دیکھتی ہیں اور کہتی ہیں کہ آپ کی یہ بات جلد سچ ثابت ہوگی اور نواز شریف ہی دوبارہ وزیراعظم بنیں گے۔ مریم نواز نے ویڈیو شیئر کرتے ہوئے لکھا کہ یہ بچی ماشاءاللہ سے بہت خوبصورت ہے۔

 

خبر کا کوڈ: 920830