یوسف رضا گیلانی اور غفور حیدری کی کامیابی کیلئے پرامید ہیں، زرداری کا مولانا سے ٹیلی فونک رابطہ
11 Mar 2021 14:57
گفتگو میں آصف زرداری نے کہا کہ پی ڈی ایم کو سینیٹ میں حکومت پر واضح برتری حاصل ہے، ہمارا ہوم ورک مکمل ہے، تمام اراکین نے حمایت کا یقین دلایا ہے۔
اسلام ٹائمز۔ آصف علی زرداری اور مولانا فضل الرحمان کے درمیان ٹیلیفونک رابطہ ہوا ہے، جس میں دونوں رہنماؤں نے پی ڈی ایم کے امیدواروں کی کامیابی یقینی بنانے کی کوششوں پر تبادلہ خیال کیا۔ گفتگو میں آصف زرداری نے کہا کہ پی ڈی ایم کو سینیٹ میں حکومت پر واضح برتری حاصل ہے، کل یوسف رضا گیلانی اور غفور حیدری کی کامیابی کیلئے پرامید ہیں، ہمارا ہوم ورک مکمل ہے، تمام اراکین نے حمایت کا یقین دلایا ہے۔
خبر کا کوڈ: 920888