QR Code

وزیراعظم عمران خان کو ویکسین لگنے سے پہلے کورونا ہوا ہوگا، ڈاکٹر عبدالباری

20 Mar 2021 18:44

نجی ٹی وی سے گفتگو کرتے ہوئے انڈس اسپتال کے سربراہ نے کہا کہ کورونا ویکسین لگوانے کے بعد کورونا مثبت نہیں آتا، کورونا پوزیٹیو آنے میں پانچ سے سات دن لگتے ہیں، ویکسین لگنے کے بعد دو تین ہفتے میں اینٹی باڈیز بنتی ہیں۔

اسلام ٹائمز۔ انڈس اسپتال کے سربراہ ڈاکٹر عبدالباری خان کا وزیراعظم کو کورونا ویکسین لگائے جانے کے باوجود رپورٹ مثبت آنے پر کہنا ہے کہ عمران خان کو ویکسین لگنے سے پہلے کورونا ہوا ہوگا۔ ڈاکٹر عبدالباری نے نجی ٹی وی سے گفتگو کرتے ہوئے کہا کہ کورونا ویکسین لگوانے کے بعد کورونا مثبت نہیں آتا۔ ڈاکٹر عبدالباری خان نے کہا کہ کورونا پوزیٹیو آنے میں پانچ سے سات دن لگتے ہیں، ویکسین لگنے کے بعد دو تین ہفتے میں اینٹی باڈیز بنتی ہیں۔ انہوں نے یہ بھی کہا کہ وزیراعظم خود کو جسمانی طور پر فٹ رکھتے ہیں۔ واضح  رہے کہ وزیر اعظم کے معاون خصوصی برائے صحت فیصل سلطان نے ٹوئٹر پر جاری بیان میں کہا ہے کہ عمران خان کا کورونا ٹیسٹ مثبت آیا ہے۔ انہوں نے کہا کہ وزیراعظم عمران خان نے خود کو گھر میں قرنطینہ کرلیا ہے۔

خبر کا کوڈ: 922589