اسلام ٹائمز۔ وفاقی حکومت نے گلگت بلتستان میں فور جی لائسنسوں کی نیلامی 30 جون سے پہلے کرانے کا فیصلہ کر لیا ہے۔ ذرائع کے مطابق وفاقی حکومت نے جی بی اور آزاد کشمیر میں فور جی سروس شروع کرنے کیلئے تیاریاں مکمل کر لی ہیں اور جس کا باضابطہ اعلان جلد ہو گا۔ مئی کے وسط تک نئے سپیکٹرم کیلئے آنے والی نیلامی کو حتمی شکل دیدی جائے گی۔ حال ہی میں وزیر اعلیٰ گلگت بلتستان خالد خورشید نے کہا تھا کہ جی بی میں فور جی لائسنس کی نیلامی جلد ہو گی اور رواں سال ہی سروس شروع کی جائے گی۔ گلگت بلتستان میں اس وقت پاک فوج کے زیر انتظام ادارے سپیشل کمیونیکیشن آرگنائزیشن (ایس سی او) ہی واحد کمپنی ہے جو پورے خطے میں تھری جی اور فورجی سروس فراہم کر رہی ہے۔ جبکہ ٹیلی نار کمپنی محدود پیمانے پر فور جی سروس فراہم کر رہی ہے۔