QR Code

اسفند یار ولی نے کورونا سے صحتیاب، ٹیسٹ منفی آگیا

21 Mar 2021 21:33

اے این پی کے صوبائی صدر اور اسفند یار ولی خان کے بیٹے ایمل ولی خان نے اپنے والد کی صحت کے حوالے سے میڈیا کو بتایا کہ ایک ہفتے بعد دوبارہ کرایا گیا کورونا ٹیسٹ منفی آیا ہے۔

اسلام ٹائمز۔ عوامی نیشنل پارٹی کے صدر اسفند یار ولی کورونا سے صحت یاب ہوگئے۔ ذرائع کے مطابق گزشتہ ہفتے کورونا میں مبتلا ہونے والے عوامی نیشنل پارٹی کے صدر اسفند یار ولی نے مہلک بیماری کو شکست دیدی ہے اور اب وہ مکمل طور پر صحت یاب ہیں۔ عوامی نیشنل پارٹی کے صوبائی صدر اور اسفند یار ولی خان کے بیٹے ایمل ولی خان نے اپنے والد کی صحت کے حوالے سے میڈیا کو بتایا کہ ایک ہفتے بعد دوبارہ کرایا گیا کورونا ٹیسٹ منفی آیا ہے۔ پارٹی سربراہ اسفند یار ولی نے بیماری کے دوران نیک تمناؤں کا اظہار اور دعائیں کرنے والوں کا شکریہ ادا کیا ہے۔ واضح رہے کہ 14 مارچ کو اے این پی کے سربراہ اسفند یار ولی خان کا کورونا ٹیسٹ مثبت آیا تھا جس کے بعد انہوں نے خود کو گھر میں ہی قرنطینہ کرلیا تھا جب کہ پارٹی کی تمام تقاریب کو ملتوی کردیا گیا تھا۔

خبر کا کوڈ: 922726