آزاد وہ ہوتا ہے جو مادی قیمت سے بالاتر ہو، عمران خان

اسلام ٹائمز۔ وزیراعظم عمران خان نے کہا ہے کہ حقیقت میں آزاد اور لبرل انسان وہ ہوتا ہے، جس کی قیمت نہیں ہوتی۔ سماجی رابطوں کی ویب سائٹ ٹوئٹر پر نوجوانوں کے نام اپنے پیغام میں وزیراعظم نے کہا کہ آزاد وہ ہوتا ہے، جو مادی قیمت سے بالاتر ہو۔ عمران خان نے اپنے پیغام میں مولانا رومی کا ایک قول بھی شیئر کیا۔ وزیراعظم کے شیئر کردہ پیغام میں رومی نے کہا ہے کہ "کسی بھی چیز کے بدلے اپنی روح کا سودا نہ کریں، کیونکہ یہ وہ واحد چیز ہے، جو آپ اس دنیا میں ساتھ لائے تھے اور اس دنیا سے واپسی پر ساتھ لے جائیں گے۔"