QR Code

23 مارچ تجدید عہد کا دن، ملکی مفاد کو اپنا اولین فریضہ سمجھیں، علامہ ناظر عباس تقوی

23 Mar 2021 19:08

ایک بیان میں ایس یو سی سندھ کے صدر نے کہا کہ ہم علامہ اقبال اور قائداعظم (رہ) جیسی شخصیات کے فلسفہ آزادی پر عمل کرتے ہوئے ان مشکلات سے چھٹکارا حاصل کرسکتے ہیں کیونکہ یہ ہستیاں جذبہ انسانیت اور حب الوطنی سے سرشار تھیں۔

اسلام ٹائمز۔ شیعہ علماء کونسل پاکستان صوبہ سندھ کے صدر علامہ سید ناظر عباس تقوی نے 23 مارچ یوم پاکستان کے موقع پر اپنے جاری بیان میں کہا ہے کہ وطن عزیز ہمارے بزرگوں کی عظیم قربانیوں اور انتھک محنت کا ثمر ہے، آج کے دن ہمارے آباؤ اجداد نے پاکستان بنانے کی قرارداد پیش کی تھی اور ایک آزاد خود مختار اسلامی ملک بنانے کا عہد کیا تھا لیکن ان قربانیوں کو فراموش کرنے کی وجہ سے آج ملک دور ستم سے گزر رہا ہے، 23 مارچ تجدید عہد کا دن ہے، ہم ان شہداء کو سلام پیش کرتے ہیں جنہوں نے اپنی قیمتی جانیں قربان کرکے پاکستان کا دفاع کیا، آج ضرورت اس آمر کی ہے کہ ملکی سالمیت کے لئے کوشش کی جائے۔

انن کا کہنا تھا کہ ہم ذاتی مفاد کے بجائے ملکی مفاد کو اپنا اولین فریضہ سمجھیں، ہم علامہ اقبال اور قائداعظم (رہ) جیسی شخصیات کے فلسفہ آزادی پر عمل کرتے ہوئے ان مشکلات سے چھٹکارا حاصل کرسکتے ہیں کیونکہ یہ ہستیاں جذبہ انسانیت اور حب الوطنی سے سرشار تھیں، آج کے دن ہمیں اپنے قومی ہیروز اور شہداء سے عہد کرنا چاہیئے کہ ہم اچھی تعلیم اور جدید ٹیکنالوجی کو بروئے کار لاتے ہوئے ملک سے ظلمت کے اندھیروں کا خاتمہ کریں گے اور اس ملک میں انصاف اور تر قی کے دیئے روشن کریں تاکہ وطن عزیز ہمیشہ سلامت رہے۔

خبر کا کوڈ: 923049