QR Code

امریکی افواج کے انخلا سے تشدد مزید انتشار میں اضافہ ہو سکتا ہے، افغان وزیر دفاع کا خدشہ

24 Mar 2021 13:06

پاکستانی میڈیا کے مطابق عبد الغنی علی پور کے پاس ہزارہ برادری کی بڑے پیمانے پر وفاداری حاصل ہے، جنکی حمایت بھاری ہتھیاروں سے ملک بھر کے جنگجووں نے کی ہے، جو پورے ملک میں مقامی قوت رکھتے ہیں۔

اسلام ٹائمز۔ افغانستان کی موجودہ حکومت اور ہزارہ قبائیل کے درمیان تناؤ بڑھ رہا ہے، جہاں جنگجوؤں اور سرکاری فوج کے درمیان دیہی صوبے میں خونریز جھڑپوں کا آغاز ہوگیا ہے۔ پاکستانی میڈیا کے مطابق افغان حکام کو خدشہ یہ ہے کہ جہاں امریکی فوجی دستوں کا افغانستان سے فوجی انخلا ہوگا وہیں تشدد مزید انتشار کا باعث بن سکتا ہے۔ وزیر دفاع کا کہنا ہے کہ عبد الغنی علی پور گروپ کیطرف سے ایک فوجی ہیلی کاپٹر کو مار گرانے کے بعد حکومت نے وسطی میدان وردک صوبے میں حملوں کا آغاز کردیا ہے، یہ طویل تاریخ میں تازہ پیش رفت ہے جو تیزی سے خونی ہو رہی ہے۔ جنوری میں سیکیورٹی فورسز نے صوبے کے بہسود ضلع میں عبدالغنی علی پور کے متعدد حامیوں سمیت مظاہرین پر فائرنگ کرتے ہوئے کم از کم 11 شہریوں کو ہلاک کردیا تھا۔

عبد الغنی علی پور کے پاس ہزارہ برادری کی بڑے پیمانے پر وفاداری حاصل ہے جو میدان وردک صوبے میں آبادی کا بیشتر حصہ ہیں۔ وہ ان جنگجوؤں میں سے ایک ہے جس کی حمایت بھاری ہتھیاروں سے ملک بھر کے جنگجووں نے کی ہے جو پورے ملک میں مقامی قوت رکھتے ہیں۔ حکومت ان میں سے چند کے ساتھ اتحاد کر رہی ہے تاہم عبدالغنی علی پور کی طرح دیگر کابل سے اس کے کنٹرول کے خلاف مزاحمت کرتے رہتے ہیں۔ یہ جنگجو ایک ممکنہ وائلڈ کارڈ ہیں کیونکہ کئی دہائیوں کی جنگ کے بعد افغانستان ایک نئے مرحلے میں داخل ہورہا ہے۔ امریکہ نے اپنی فوج کے انخلا کا کہا ہے، حالانکہ وہ یکم مئی کی آخری تاریخ کو پورا کریں گے یا نہیں، یہ ابھی تک واضح نہیں ہے۔
 

خبر کا کوڈ: 923162