اسلام ٹائمز - کراچی کے کئی علاقوں میں اسمارٹ لاک ڈاؤن لگا دیا گیا

کراچی کے کئی علاقوں میں اسمارٹ لاک ڈاؤن لگا دیا گیا

اسمارٹ لاک ڈاؤن کے تحت عوامی مقامات پر چہرے پر ماسک لازمی پہننا ہوگا، گروسری اسٹورز اور فارمیسی کے علاوہ تمام کاروبار بند ہوں گے۔

اسلام ٹائمز۔ کورونا کيسز ميں اضافے کے سبب کراچی کے ضلع وسطی کی 6 يوسيز ميں 2 ہفتے کيلئے اسمارٹ لاک ڈاؤن لگا ديا گيا۔ ڈپٹی کمشنر کے نوٹيفیکيشن کے مطابق لاک ڈاؤن لياقت آباد، نارتھ کراچی اور ناظم آباد کی 6 يوسيز ميں 6 اپريل تک لگايا گيا ہے۔ لیاقات آباد کے سی ایریا اور سی ون ایریا، نارتھ کراچی کے سیکٹر 2، 25 اے، بی 14، ڈی 7 اور ڈی 11، جبکہ نارتھ ناظم آباد کے بلاک ایل اور این میں اسمارٹ لاک ڈاؤن لگایا گیا۔ متاثرہ علاقوں ميں ہر قسم کی نقل و حمل پر پابندی ہوگی۔ ہارٹ اسپاٹ کی نشاندہی ڈسٹرکٹ ہيلتھ آفيسر کی تجويز پر کی گئی۔ اسمارٹ لاک ڈاؤن کے تحت عوامی مقامات پر چہرے پر ماسک لازمی پہننا ہوگا، گروسری اسٹورز اور فارمیسی کے علاوہ تمام کاروبار بند ہوں گے، مریض کے ساتھ صرف ایک شخص کو ساتھ رہنے کی اجازت ہوگی، اجتماعات کی اجازت نہیں ہوگی، ڈبل سواری پر پابندی ہوگی اور پبلک ٹرانسپورٹ معطل رہے گی۔