پشاور ائیر پورٹ پر بیت الخلا سے 20 تولے سونا برآمد، اہلکار کی مثالی ایمانداری

اسلام ٹائمز۔ باچا خان انٹرنیشنل ایئر پورٹ پشاور پر بیت الخلا سے 20 تولے سونا برآمد کیا گیا۔ ذرائع کے مطابق پشاور میں باچا خان انٹرنیشنل ایئرپورٹ پر بین الاقوامی آمد لاونج کے بیت الخلا میں موبائل فون کے ڈبوں سے 20 تولہ سونا برآمد کیا گیا، جسے فرض شناس سول ایوی ایشن اہلکار فیصل نے تمام سامان کسٹم اہلکاروں کے حوالے کر دیا۔ سی اے اے کے مطابق سونا قومی ایئر لائین کی پرواز پی کے 284 کے ذریعے دبئی سے پشاور لایا گیا۔ سی اے اے اہلکار سے متعلق ایئر پورٹ سی او او نے کہا کہ یہ پہلا موقع نہیں کہ سی اے ای اہلکار نے ایمانداری کا مظاہرہ کیا۔