پنجاب میں رینجرز کے قیام میں مزید 3 ماہ کی توسیع کا فیصلہ

اسلام ٹائمز۔ محکمہ داخلہ پنجاب نے صوبے میں رینجرز کے قیام میں مزید 3 ماہ کی توسیع کا فیصلہ کیا ہے۔ رینجرز انسداد دہشت گردی کیلئے سی ٹی ڈی کیساتھ مل کر پنجاب میں انٹیلی جنس بیسڈ آپریشن کر رہی ہے۔ رینجرز قانون نافذ کرنیوالے اداروں، پولیس اور انتظامیہ کی بھی مدد کر رہی ہے۔ محکمہ داخلہ نے رینجرز کے قیام میں توسیع کیلئے سمری تیار کرلی ہے، یہ سمری کابینہ کمیٹی برائے بزنس اینڈ قانون سازی کو بھیجی جائے گی۔ حکومت پنجاب کا کہنا ہے کہ ابھی پنجاب میں رینجرز کی ضرورت ہے، جس کے باعث اسے مزید توسیع دی جا رہی ہے۔