اسلام ٹائمز۔ کرونا کی تیسری لہر کے دوران آج گلگت بلتستان میں ریکارڈ 24 کیسز سامنے آگئے۔ محکمہ صحت کی جانب سے جاری رپورٹ کے مطابق ہفتہ کے روز گلگت سے گلگت میں 13، سکردو سے 7، ہنزہ سے 2، دیامر سے ایک کیس رپورٹ ہوا۔ آج کے 24 نئے کیسز کے ساتھ ایکٹیو کیسز کی تعداد 98 ہو گئی ہے۔ محکمہ صحت کے مطابق گزشتہ چوبیس گھنٹوں کے دوران گلگت بلتستان کے مختلف اضلاع میں 53،سیاحوں، 473، ٹیچر، سٹوڈنٹس اور دیگر 213 مقامی افراد سمیت مجموعی طور 739 ٹیسٹ نمونے لئے گئے تھے۔ جن میں سے 24 افراد میں کرونا کی تشخیص ہوئی۔ متاثرہ مریضوں میں ایک سیاح بھی شامل ہے۔