اسلام ٹائمز - شاہ محمود قریشی جرمنی روانہ

وزیر خارجہ پاکستان کا 2012ء کے بعد یہ پہلا دورہ جرمنی ہے، شاہ محمود قریشی پاک جرمنی سفارتی تعلقات کے 70 برس مکمل ہونے پر دورہ کر رہے ہیں۔

اسلام ٹائمز۔ وزیر خارجہ شاہ محمود قریشی وفد کے ہمراہ جرمنی کے 2 روزہ دورے پر روانہ ہو گئے۔ وزیر خارجہ شاہ محمود کو جرمن ہم منصب نے دورے کی دعوت دی ہے جہاں وہ جرمن پارلیمنٹ کے صدر اور دیگر اہم قیادت سے ملاقاتیں کریں گے۔ جرمنی میں پاکستانی سفارت خانے کا دورہ اور پاکستانی کمیونٹی سے ملاقات وزیر خارجہ کے شیڈول میں شامل ہے۔ وزیر خارجہ شاہ محمود قریشی کا 2012ء کے بعد یہ پہلا دورہ جرمنی ہے، شاہ محمود قریشی پاک جرمنی سفارتی تعلقات کے 70 برس مکمل ہونے پر دورہ کر رہے ہیں۔ شاہ محمود قریشی جرمنی میں مقامی و بین الاقوامی میڈیا سے گفتگو بھی کریں گے۔