QR Code
مردم شماری کے نتائج کی منظوری کیخلاف سندھ حکومت کا اہم اعلان
13 Apr 2021 02:06
ٹوئیٹ کرتے ہوئے ترجمان بیرسٹر مرتضیٰ وہاب نے لکھا کہ وزیراعلیٰ سندھ کی جانب سے تحفظات ظاہر کئے جانے کے باوجود سی سی آئی نے مردم شماری کے نتائج کی منظوری دے دی ہے، سندھ حکومت اس معاملے کو پارلیمنٹ میں لے جائے گی۔
اسلام ٹائمز۔ مشترکہ مفادات کونسل کی جانب سے مردم شماری کے نتائج منظور کئے جانے پر سندھ حکومت کا ردعمل آگیا۔ ترجمان سندھ حکومت مرتضٰی وہاب نے ٹوئیٹ کرتے ہوئے لکھا کہ وزیراعلیٰ سندھ کی جانب سے تحفظات ظاہر کئے جانے کے باوجود سی سی آئی نے مردم شماری کے نتائج کی منظوری دے دی ہے۔ مرتضیٰ وہاب نے کہا کہ وزیراعلیٰ سندھ نے سی سی آئی کے نظریئے سے اتفاق نہیں کیا ہے اور اختلافی نوٹ پیش کیا ہے۔ انہوں نے اعلان کیا کہ سندھ حکومت آئین کے آرٹیکل 154 (7) کی پیروی میں اس معاملے کو پارلیمنٹ میں لے جائے گی۔
خبر کا کوڈ: 926846