اسلام ٹائمز۔ وزیراعظم عمران خان نے وفاقی کابینہ میں ردوبدل کرتے ہوئے ماہر معاشیات شوکت ترین کو وزیرخزانہ اور رینونیو کا قلمدان دے دیا جبکہ حماد اظہر کو وزارت توانائی تفویض کر دی۔ ذرائع وزیراعظم ہاؤس کے مطابق عمر ایوب کو اکنامک افیئر کی وزارت دینے کا فیصلہ کیا گیا ہے۔ خسرو بختیار کو صنعت و پیداوار دینے کا فیصلہ کیا گیا ہے۔ سابق وزیر سائنس اینڈ ٹیکنالوجی فواد چوہدری کو وزیرِ اطلاعات و نشریات کا قلمدان دے دیا گیا جبکہ شبلی فراز کو وزارت سائنس و ٹیکنالوجی کی ذمہ داری سونپ دی گئی ہے۔