QR Code

بنگلہ دیش، مودی کے حالیہ دورے پر احتجاج کرنے والے رہنما سمیت سینکڑوں کارکن گرفتار

19 Apr 2021 11:53

ہیفاقت کے ترجمان جکریہ نعمان فوئیزی نے بتایا کہ ان کی تنظیم کے 23 رہنماؤں کو پولیس نے حراست میں لیا ہے۔

اسلام ٹائمز۔ بنگلہ دیش میں پولیس نے بھارتی وزیراعظم نریندر مودی کے حالیہ دورے پر احتجاج کرنے والے دائیں بازو کی اسلام پسند تنظیم ہیفاقت اسلام کے رہنما اور سینکڑوں کارکنوں کو گرفتار کر لیا ہے۔ ذرائع کے مطابق تنظیم نے مسلم اکثریتی ملک میں گزشتہ ماہ بھارتی وزیراعظم دورے کے خلاف پرتشدد مظاہرے کیے تھے۔ پولیس نے تنظیم کے رہنما مامون الحق پر تشدد کو بھڑکانے کا الزام لگاتے ہوئے انہیں گرفتار کیا۔ تاہم پولیس نے مقدمے سے متعلق تفصیلات فراہم نہیں کی کہ آیا ان پر مقدمہ نریندر مودی کے دورے کے تناظر میں یہ الزامات عائد کیے گئے۔ پولیس نے بتایا کہ مشرقی دیہی ضلع براہمنبیریا میں ہیفاقت اسلام کے مزید 298 حامیوں اور کارکنوں کو گرفتار کیا گیا جہاں مودی مخالف مظاہرے بھی ہوئے تھے۔براہمنبیریا پولیس کے نائب سربراہ محمد روش الدین نے بتایا کہ ہم نے ویڈیو فوٹیج کے ذریعے ان کی شناخت کر کے انہیں گرفتار کیا۔

ہیفاقت کے ترجمان جکریہ نعمان فوئیزی نے بتایا کہ ان کی تنظیم کے 23 رہنماؤں کو پولیس نے حراست میں لیا ہے۔ انہوں نے تنظیمی رہنماؤں کے خلاف پولیس کے دعووں کو جھوٹا اور من گھڑت قرار دیا۔ تنظیم نے بنگلہ دیش کی وزیراعظم شیخ حسینہ کی جانب سے مودی کو 26 مارچ کو ملک کی 50 ویں سالگرہ کی آزادی کے جشن میں شرکت کی دعوت پر شدید تنقید کی تھی۔ ہیفاقت کا مؤقف تھا کہ مودی کی ہندو قوم پرست پارٹی نے بھارت میں مذہبی پولرائزیشن کو روکنے اور اقلیتوں خصوصا مسلمانوں کے ساتھ امتیازی سلوک برتا ہے۔ مودی کے دو روزہ دورے پر تشدد کا ماحول رہا اور پولیس کے ساتھ جھڑپوں میں ہیفاقت اسلام کے کم سے کم 17 حامی جاں بحق ہو گئے تھے۔

خبر کا کوڈ: 928006