?>?> کورونا سے متعلق صورتحال اچھی نہیں، سخت اقدامات کرنے ہونگے، وزیراعلیٰ سندھ - اسلام ٹائمز
0
Thursday 29 Apr 2021 16:57

کورونا سے متعلق صورتحال اچھی نہیں، سخت اقدامات کرنے ہونگے، وزیراعلیٰ سندھ

کورونا سے متعلق صورتحال اچھی نہیں، سخت اقدامات کرنے ہونگے، وزیراعلیٰ سندھ
اسلام ٹائمز۔ وزیراعلیٰ سندھ سید مراد علی شاہ کا کورونا وائرس کی تازہ صورتحال سے متعلق کہنا ہے کہ 22 سے 28 اپریل تک مثبت کیسز کا تناسب 10.75 فیصد رہا ہے، یہ صورتحال اچھی نہیں ہے، سخت اقدامات کرنے ہوں گے۔ تفصیلات کے مطابق وزیراعلیٰ سندھ کی زیرِ صدارت کورونا ٹاسک فورس کا اجلاس ہوا، اجلاس میں صوبائی وزرا سمیت وزیر صحت سندھ عذرا پیچوہو، سعید غنی، ناصر شاہ و دیگر نے شرکت کی۔ اجلاس میں کورونا وائرس کی تیسری لہر پر بریفنگ کے دوران بتایا گیا کہ مجموعی طور پر 7 فیصد کوویڈ تشخیص کا تناسب ہے۔ اجلاس کے دوران بتا گیا کہ 22 اپریل سے 28 اپریل 2021ء تک کوویڈ کی تشخیص کا تناسب کراچی میں 10.75 فیصد، حیدرآباد 20 فیصد، سکھر 9.48 فیصد اور باقی اضلاع میں 2.79 فیصد ہے۔ اجلاس کے دوران مراد علی شاہ کا کورونا وائرس سے بچاؤ کے اقدامات سے متعلق کہنا تھا کہ آئی جی پولیس، ڈی جی رینجرز اور کمشنر کراچی مل کر کاروبار کی ٹائمنگ صبح 6 سے شام 6 بجے تک کو یقینی بنائیں، مکمل لاک ڈاؤن سے بچنا ہے تو ایس او پیز پر عمل کرنا ہوگا، کچھ نجی دفاتر ایس او پیز اور اسٹاف کم کرنے کے فیصلے پر عمل نہیں کر رہے۔

وزیراعلیٰ سندھ نے اجلاس کے دوران ہدایات جاری کرتے ہوئے کہا ہے کہ ایس او پیز پر عمل نہ کرنے والے نجی دفاتر کو سیل کیا جائے۔ انٹر سٹی بس ٹرانسپورٹ پر سختی سے عمل کرانے کی ہدایت دیتے ہوئے وزیراعلیٰ سندھ نے کہا کہ  کل سے انٹر ڈسٹرکٹ بس ٹرانسپورٹ پر پابندی ہوگی۔ اُن کا کہنا تھا کہ دیگر صوبوں سے بھی پبلک ٹرانسپورٹ کا سندھ میں داخلہ منع ہے، اگر کسی صوبے سے کوئی مسافر گاڑی سندھ آ بھی گئی تو اس کو واپس بھیج دیا جائے۔ وزیراعلیٰ سندھ  نے صوبائی وزراء ناصر شاہ، سعید غنی اور اویس شاہ پر کمیٹی قائم کرتے ہوئے ہدایت کی کہ گزشتہ ٹاسک فورس اجلاس کے تمام فیصلوں پر عملدرآمد کو یقینی بنائیں، کمیٹی تاجروں اور ٹرانسپوٹرز کو اعتماد میں لے کر سخت اقدامات کرے گی۔
خبر کا کوڈ : 929860
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش