اسلام ٹائمز - یمن، جارح سعودی عرب کیطرف سے مأرب پر 20 سے زائد ہوائی حملے

یمن، جارح سعودی عرب کیطرف سے مأرب پر 20 سے زائد ہوائی حملے

یمنی خبررساں ایجنسی سبأنیٹ کیمطابق جارح سعودی لڑاکا طیاروں نے صراوح نامی علاقے پر 18 مرتبہ جبکہ یمنی مسلح افواج و عوامی مزاحمتی فورسز کی رسد کاٹنے کی غرض سے مدغل پر 2 مرتبہ ہوائی حملہ کیا ہے۔

اسلام ٹائمز۔ جارح سعودی اتحاد کے جنگی طیاروں کی جانب سے گذشتہ 24 گھنٹوں کے دوران یمن کے صوبہ مأرب میں مختلف مقامات پر 20 سے زائد مرتبہ ہوائی حملہ کیا گیا ہے جبکہ شہر مأرب کے نزدیک یمن کی مسلح افواج و عوامی مزاحمتی فورسز اور قابض سعودی فوجی اتحاد کے درمیان شدید لڑائی جاری ہے۔ یمنی خبررساں ایجنسی سبأنیٹ کے مطابق جارح سعودی لڑاکا طیاروں نے صراوح نامی علاقے پر 18 مرتبہ جبکہ یمنی مسلح افواج و عوامی مزاحمتی فورسز کی رسد کاٹنے کی غرض سے مدغل پر 2 مرتبہ ہوائی حملہ کیا ہے۔ واضح رہے کہ شہر مأرب کے اردگرد کے علاقوں میں گذشتہ کئی دنوں سے یمنی مسلح افواج و عوامی مزاحمتی فورسز اور جارح سعودی فوجی اتحاد کے درمیان شدید ترین لڑائی جاری ہے جبکہ فرانسیسی خبررساں ایجنسی کے مطابق صنعاء فورسز نے شہر مأرب سے 6 کلومیٹر کے فاصلے پر موجود "المیل" نامی علاقے تک پیشقدمی حاصل کر لی ہے۔