QR Code

سلیکٹڈ حکومت غریب دشمن پالیسی پر چل رہی ہے، اسماعیل راہو

1 May 2021 19:32

ایک بیان میں وزیر زراعت سندھ نے کہا کہ وفاق نے تین سالوں میں مزدور طبقے کو کوئی ریلیف نہیں دیا، نالائق حکومت نے ملک میں منہگائی کا طوفان برپا کیا ہے، وفاق تمام اداروں اور صنعتوں کے برطرف ملازمین کو بحال کرے۔

اسلام ٹائمز۔ سندھ کے وزیر زراعت اسماعیل راہو نے کہا ہے کہ بدقسمتی سے ملک پر مزدور دشمن حکمران قابض ہیں اور یہ سلیکٹڈ حکومت غریب دشمن پالیسی پر چل رہی ہے۔ اسماعیل راہو نے مزدوروں کے عالمی دن کے موقع پر اپنے بیان میں کہا کہ عمران خان لاکھوں مزدوروں کو بےروزگار کرچکے ہیں۔ صوبائی وزیر نے مطالبہ کیا کہ یومِ مزدور پر وفاق تمام اداروں اور صنعتوں کے برطرف ملازمین کو بحال کرے۔ اُنہوں نے یہ بھی کہا کہ وفاق نے تین سالوں میں مزدور طبقے کو کوئی ریلیف نہیں دیا، نالائق حکومت نے ملک میں منہگائی کا طوفان برپا کیا ہے۔

خبر کا کوڈ: 930181