0
Monday 3 May 2021 17:10

کورونا روک تھام، عید پر تفریحی مقامات مکمل بند کرنے کی سفارش

کورونا روک تھام، عید پر تفریحی مقامات مکمل بند کرنے کی سفارش
اسلام ٹائمز۔ صوبہ سندھ میں قائم ٹاسک فورس نے عید سے پہلے لاک ڈاؤن سخت کرنے کی سفارش کرتے ہوئے کہا ہے کہ سی ویو روڈ اور ساحل سمندر جانے والی سڑکوں کو بند کیا جائے۔ تفصیلات کے مطابق کورونا کی روک تھام سے متعلق سندھ میں قائم ٹاسک فورس کی سفارشات سامنے آگئیں، جس میں کہا گیا ہے کہ عید سے پہلے لاک ڈاؤن سخت کیا جائے اور عید کے دنوں میں تفریحی مقامات مکمل بند کیے جائیں۔ ٹاسک فورس نے سی ویو روڈ، ساحل سمندر جانے والی سڑکوں کو بند کرنے کی سفارش کرتے ہوئے کہا ہے کہ ضلع شرقی میں قانون نافذ کرنے والوں کی مدد سے مکمل لاک ڈاؤن کیا جائے۔ سندھ حکومت کا کہنا ہے کہ یوم علیؑ و دیگر جلوسوں پر این سی او سی پابندی پر عملدرآمد ہوگا اور این سی او سی نے جو فیصلے کیے ہیں، ان پر بھی عملدرآمد کیا جائے گا، سندھ حکومت کی جانب سے ٹاسک فورس کو آگاہ کر دیا گیا ہے۔
خبر کا کوڈ : 930521
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش