QR Code

خیبر پختونخوا میں کورونا کے پھیلاؤ کی شرح میں کمی کا حکومتی دعویٰ

5 May 2021 21:14

ایک بیان میں صوبائی وزیر صحت تیمور جھگڑا کا کہنا تھا کہ گزشتہ روز خیبر پختونخوا میں مثبت کیسز کی شرح 7.1 فیصد رہی، صوبے میں اس وقت فعال کورونا مریضوں کی تعداد 11 ہزار 76 ہے۔

اسلام ٹائمز۔ وزیر صحت خیبر پختونخوا تیمور جھگڑا کا کہنا ہے کہ صوبہ میں کورونا وائرس کے پھیلاؤ کی شرح میں کمی واقع ہو رہی ہے۔ ایک بیان میں صوبائی وزیر صحت تیمور جھگڑا کا کہنا تھا کہ گزشتہ روز خیبر پختونخوا میں مثبت کیسز کی شرح 7.1 فیصد رہی، صوبے میں اس وقت فعال کورونا مریضوں کی تعداد 11 ہزار 76 ہے جب کہ کورونا وائرس سے متاثر 1 ہزار 769 مریض ہسپتالوں میں زیر علاج ہیں۔ تیمور جھگڑا نے کہا کہ صوبائی حکومت ہسپتالوں کی استعداد مزید بڑھا رہی ہے، وباء کے خاتمے تک ہم آرام سے نہیں بیٹھیں گے، گزشتہ روز سوات میں مثبت کیسز کی شرح 50 فیصد، مردان میں 21، صوابی اور بونیر میں 14، 14، پشاور اور ملاکنڈ میں 13، 13 فیصد رہی۔

خبر کا کوڈ: 930948