QR Code
یوم علی ع کے موقع پر جنوبی پنجاب میں مجالس عزاء اور ماتمی جلوسوں کی سخت سیکورٹی کا فیصلہ
20 Aug 2011 00:02
اسلام ٹائمز: محکمہ داخلہ پنجاب کی جانب سے تمام اضلاع کے ڈی پی اوز کو خصوصی احکامات جاری کردیئے گئے، امام بارگاہوں پر پولیس اہلکار تعینات کرنے، جلوسوں اور مجالس میں داخل ہونے والے ہر فرد کی جامہ تلاشی لینے اور جلوسوں کی گزرگاہوں کو کلیئر کرنے کی ہدایت کی گئی ہے، خواتین پولیس اہلکار بھی ڈیوٹی سرانجام دیں گی۔
ملتان:اسلام ٹائمز۔ صوبائی حکومت نے یوم علی ع کے موقع پر جنوبی پنجاب میں مجالس اور ماتمی جلوسوں کیلئے سخت سیکورٹی اقدامات کرنے کا فیصلہ کیا ہے، ذرائع کے مطابق صوبائی محکمہ داخلہ نے اس ضمن میں ملتان، ڈیرہ غازی خان، لیہ، مظفر گڑھ، بھکر، بہاولپور، لودھراں، راجن پور، رحیم یار خان، وہاڑی اور میانوالی کیلئے سیکورٹی پلان مرتب کرنے کیلئے ڈی پی اوز کو خصوصی احکامات جاری کئے ہیں، جس کے مطابق امام بارگاہوں پر اضافی پولیس اہلکار تعینات کرنے اور مجالس و ماتمی جلوسوں میں داخل ہونے والے ہر شخص کی جامہ تلاشی لینے اور ماتمی جلوسوں کی گزرگاہوں کو کلیئر کرنے کی ہدایت کی گئی ہے، اضافی پولیس نفری کے علاوہ خواتین پولیس اہلکار بھی ڈیوٹی سرانجام دیں گی، اس کے علاوہ ایمبولینسز بھی موجود رہیں گی، صوبائی حکومت نے انتظامیہ کو عزاداروں کیلئے ہر قسم کی سہولیات فرہم کرنے کے بھی احکامات جاری کئے ہیں۔
خبر کا کوڈ: 93131