اسلام ٹائمز۔ جماعت اسلامی نے ملک کو درپیش چیلنجز کے تناظر میں قومی مشاورتی کانفرنس طلب کر لی۔ جماعت کے ترجمان قیصر شریف کے مطابق قومی مشاورتی کانفرنس اتوار 23 مئی کو منصورہ میں ہوگی، امیر جماعت اسلامی سراج الحق قومی مشاورتی کانفرنس کی میزبانی اور صدارت کریں گے۔ قیصر شریف کا مزید کہنا تھا کہ قومی مشاورت میں دینی، سیاسی، تعلیمی شعبہ سیاہم شخصیات شریک ہوں گے، قومی مشاورت میں تحفظ ناموس رسالت، قومی نصاب کی تشکیل کے معاملات زیر بحث آئیں گے۔ انہوں نے بتایا کہ قانون سازی وقف املاک کا ایشو بھی زیر بحث آئے گا، پاکستان کی نظریاتی اساس کو نقصان پہنچانے کیلئے سازشیں عروج پر ہیں، سازشوں کا بھرپور مقابلہ کیا جائے گا۔