اسلام ٹائمز - سندھ میں عید کی شاپنگ کیلئے دی گئی مہلت ختم

کچھ بازاروں میں ایس او پیز پر عمل نہ ہوسکا اور عوام نے ایس او پیز کی دھجیاں اڑا دیں۔ صوبے میں کل سے 16 مئی تک مکمل لاک ڈاؤن ہوگا، مارکیٹیں اور بازار مکمل بند ہوں گے اور ٹرانسپورٹ پر بھی مکمل پابندی رہے گی۔

اسلام ٹائمز۔ صوبہ سندھ میں شام کے 6 بجتے ہی شاپنگ کیلئے دی گئی مہلت ختم ہوگئی۔ آخری دن بازاروں میں خریداروں کا رش رہا اور لوگ خریداری کرتے رہے تاہم کچھ خواتین نے آج بھی شاپنگ مکمل نہ ہونے کا شکوہ کیا۔ کچھ بازاروں میں ایس او پیز پر عمل نہ ہوسکا اور عوام نے ایس او پیز کی دھجیاں اڑا دیں۔ صوبے میں کل سے 16 مئی تک مکمل لاک ڈاؤن ہوگا، مارکیٹیں اور بازار مکمل بند ہوں گے اور ٹرانسپورٹ پر بھی مکمل پابندی رہے گی۔ وزیر اطلاعات سندھ ناصر شاہ کہتے ہیں کہ حالات تشویشناک حد تک پہنچ چکے ہیں، کورونا کی بدترین صورت حال کے باعث سخت اور مشکل فیصلے کرنے پڑے۔