اسلام ٹائمز۔ صومالیہ کے دارالحکومت میں ایک پولیس اسٹیشن پر خودکش بمبار نے خود کو دھماکے سے اُڑا لیا جس کے نتیجے میں 6 اہلکار ہلاک ہو گئے۔ پولیس کے ترجمان کا کہنا ہے کہ خودکش حملہ آور کے جسم کے کچھ اعضا ملے ہیں جن کا فرانزک لیب سے تجزیہ کیا جائے گا۔ 6 زخمیوں میں سے 2 کی حالت نازک ہے۔ صومالیہ میں حکومت کے خلاف متحرک الشباب نامی مسلح گروہ نے حملے کی ذمہ داری قبول کر لی ہے جبکہ الشباب نے القاعدہ سے مل کر ملک میں سکیورٹی فورسز پر کئی حملے کیے ہیں۔