مقبوضہ فلسطین میں ایندھن کا اسرائیلی گودام فلسطینی راکٹوں کے نشانے پر
اسلام ٹائمز۔ نہتے فلسطینی شہریوں کے خلاف صیہونی جرائم کے جواب میں فلسطینی مزاحمتی محاذ کی جانب سے راکٹ باری کا سلسلہ جاری ہے۔ تفصیلات کے مطابق غیر قانونی یہودی بستی "عسقلان" میں موجود غاصب صیہونی رژیم کی تزویراتی تنصیبات میں واقع ایندھن کا ایک گودام فلسطینی راکٹ کا نشانہ بن گیا جس کے باعث اس می بھڑکنے والی آگ کے شعلے ہنوز آسمان سے باتیں کر رہے ہیں۔
ایرانی خبررساں ایجنسی فارس نیوز کے مطابق یہ تصاویر صیہونی تزویراتی تنصیبات میں نصب سکیورٹی کیمروں کے ذریعے حاصل کی گئی ہیں۔
دوسری طرف غاصب صیہونی رژیم سے منسلک میڈیا نے خبر دی یے کہ غزہ کے فلسطینی مزاحمتی محاذ کی جانب سے (غاصب) صیہونی بستیوں پر تاحال 630 راکٹ برسائے جا چکے ہیں۔