اسلام ٹائمز۔ مسلم لیگ (ن) پنجاب کے صدر رانا ثناء ﷲ نے کہا کہ پیپلز پارٹی اور عوامی نیشنل پارٹی پی ڈی ایم سے نکلے ہیں مگر حکومت کے اتحادی نہیں بنے، پارلیمنٹ کے اندر ان سے بات چیت ہوسکتی ہے۔ رانا ثناء ﷲ نے نجی ٹی وی کے پروگرام میں بات چیت کرتے ہوئے کہا کہ پیپلز پارٹی کو کسی نے پی ڈی ایم سے نہیں نکالا، وہ خود نکلی۔ پروگرام میں پیپلز پارٹی کے نیئر حسین بخاری کا کہنا تھا کہ پیپلز پارٹی اور اے این پی کے بغیر پی ڈی ایم اجلاس کی کوئی حیثیت نہیں، اسے ہم خیال جماعتوں کا اجلاس کہا جا سکتا ہے، کیونکہ پی ڈی ایم تو بنائی ہی پیپلز پارٹی نے ہے۔